Wani ma’aikacin jarida na kamfanin Image Merchants Promotion Limited (IMPR), masu wallafa PRNigeria da Economic Confidential, Salis Manaja, ya shiga hannun ‘yan bindiga da ba a san ko su wane ba ba.
Lamarin ya faru ne a ranar Asabar yayin da marigayin ke tafiya daga Abakaliki a jihar Ebonyi zuwa Ilorin domin halartar taron PRNigeria Young Communication Scholars Fellowship.
Rahotanni sun bayyana cewa an sace shi ne a kan hanyar Kogi State.
Da yake tabbatar da faruwar lamarin, shugaban sashen kirkire-kirkire da ayyuka na musamman na PRNigeria, Dahiru Muhammad-Lawal, ya ce sacewar ta girgiza dukan ma’aikatan kamfanin.
A cewarsa: “Muna sa ran ganin sa a Ilorin a ranar Asabar, amma daga baya layinsa ya daina shiga duk da cewa ya tabbatar mana cewa ya tashi daga Abakaliki.
“Muka yi ta ƙoƙarin samun sa amma abin ya ci tura. Daga ƙarshe sai muka samu damar magana da shi ta wayar ‘yan bindigar da suka sace shi a ranar Lahadi da rana,” in ji shi.
Mr. Lawal ya ƙara da cewa, hukumar PRNigeria na yin ƙoƙari tare da hukumomin tsaro don tabbatar da an ceto Mr. Manaja cikin koshin lafiya.
